History

ສູນຕ້ານເອດ ແລະ ພຕພ ຂຽນຫຍໍ້ເປັນຕົວອັກສອນວ່າ "ສຕອ"  ຊື່ເປັນພາສາຝຣັ່ງ: Centre de la Lutte Contre le Virus de I'Immuno de´ficience Humaine (VIH)/Syndrome de I'Immuno De´ficience Acquise (SIDA) et I'Infection Sexuellement Transmissible "CSIST".  ຊື່ເປັນພາສາອັງກິດ: Center for (HIV)/Acquired Immune Deficiency Syndrome (AIDS) and Sexually Transmitted Infections (STI) "CHAS" ແມ່ນການຈັດຕັ້ງທາງດ້ານວິຊາການໜຶ່ງ ຂອງກະຊວງສາທາລະນະສຸກ ຢູ່ພາຍໃຕ້ການຊີ້ນຳ,ກວດກາ ແລະ ການຄຸ້ມຄອງດ້ານມະຫາພາກຂອງກົມຄວບຄຸມພະຍາດຕິດຕໍ່, ມີພາລະບົດບາດຈັດຕັ້ງປະຕິບັດວຽກງານການກັນ ແລະ ຄວບຄຸມເຊື້ອເຮສໄອວີ/ພະຍາດເອດ ແລະ ພະຍາດຕິດຕໍ່ທາງເພດສໍາພັນ ໃນຂອບເຂດທົ່ວປະເທດ. ວຽກງານຕ້ານເອດ ໄດ້ລິເລີ່ມເຄື່ອນໄຫວນັບແຕ່ປີ 1987 ເປັັນຕົ້ນມາ ຢູ່ພາຍໃຕ້ສະຖາບັນກັນພະຍາດກະຊວງສາທາລະນະສຸກ ຊຶ່ງການຈັດຕັ້ງປະຕິບັດແມ່ນຢູ່ໃນເຂດພື້ນທີ່ນະຄອນຫລວງວຽງຈັນ,  ມາຮອດ ປີ 1988 ກໍ່ໄດ້ມີຂໍ້ຕົກລົງແຕ່ງຕັ້ງ ຄະນະກຳມະການແຫ່ງຊາດຕ້ານເອດ ແລະ ມີການແຕ່ງຕັ້ງ ຄະນະກຳມະການຕ້ານເອດຂັ້ນ ແຂວງ ແລະ ເມືອງຂື້ນໃນປີ 1989 ເພື່ອສຸມໃສ່ວຽກງານການໂຄສະນາເປັນວົງກວ້າງ ແລະ ການກວດເລືອດເພື່ອຊອກຫາການຕິດເຊື້ອເຮສໄອວີ, ມາຮອດປີ 1999 ກໍ່ໄດ້ແຍກອອກຈາກສະຖາບັນກັນພະຍາດມາເປັນຫ້ອງການຄະນະກຳມະການແຫ່ງຊາດຕ້ານເອດ ແລະ ປ່ຽນມາເປັນ ສູນຕ້ານເອດ ແລະ ພຕພ ໃນປີ 2003 ຈົນເຖິງປັດຈຸບັນ ພາຍໃຕ້ການນໍາພາ-ຊີ້​ນຳ​ຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ.

ປະກອບດ້ວຍ 5 ຂະແໜງການ

1. ຂະແໜງໂຄສະນາຕ້ານເອດ ແລະ ພຕພ (Information Education Communication Section);
2. ຂະແໜງຄຸ້ມຄອງພະຍາດເອດ ແລະ ພະຍາດຕິດຕໍ່ທາງເພດສໍາພັນ (Management on HIV/AIDS and STI Section);
3. ຂະແໜງລະບາດວິທະຍາ (Epidemiology Section);
4. ຂະແໜງເຝົ້າລະວັງ ແລະ ປະເມີນຜົນ  (Surveillance and Evaluation Section);
5. ຂະແໜງບໍລິຫານ (Administration Section).

Vision

ເສີມ​ສ້າງ​ຄວາມ​ເຂັ້ມ​ແຂງ ໃນ​ລະ​ບົບ​ການ​ຄຸ້ມ​ຄອງ ວຽກ​ງານ​ການກັນ ແລະ ຄວບຄຸມ​ເຊື້ອ​ເຮ​ສ​ໄອ​ວີ/ພະ​ຍາດ​ເອດ ທີ່ ທຸກຄົນສາມາດເຂົ້າເຖິງ ການ​ບໍ​ລິ​ການປ້ອງກັນ, ປິ່ນປົວ  ດູແລ ເບີ່ງແຍງ ແລະ ຊ່ວຍເຫຼືອ ທີ່ມີຄຸນນະພາບ ແບບຄົບຊຸດ ໂດຍເຊື່ອມສານວຽກ​ງານເຂົ້າໃນລະບົບການບໍລິການສຸຂະພາບ ແບບຍືນຍົງ ແລະ ບໍ່​ມີ​ການ​ຈຳ​ແນກ, ບໍ່​ມີ​ການ​ລັງ​ກຽດ ຜູ້​ຕິດ​ເຊື້ອ ແລະ ຜູ້​ທີ່​ເປັນ​ພະ​ຍາດ​ເອດ ໃນ ສປປ ລາວ.

 ເປົ້າໝາຍ: ຢຸດ​ຕິ ການແຜ່ລະບາດ ຂອງເຊື້ອເຮສໄອວີ/ພະຍາດເອດ ແລະ ພະຍາດຕິດຕໍ່ທາງເພດສຳພັນ ໃນ ສປປ ລາວ ​ໃນປີ 2030.

Mission

ເປົ້າໝາຍແບບເລັ່ງລັດ (Fast-Tract) ຂອງອົງການສະຫະປະຊາຊາດຕໍ່ວຽກງານຕ້ານເອດພາຍໃນປີ 2025 ໃຫ້ບັນລຸໄດ້ 95-95-95 ເພື່ອຍຸດຕິການແຜ່ລະບາດຂອງເຊື້ອເຮສໄອວີ ໃຫ້ໄດ້ພາຍໃນປີ 2030.