ພາລະບົດບາດ ຂະແໜງຄຸ້ມຄອງພະຍາດເອດ ແລະ ພະຍາດຕິດຕໍ່ທາງເພດສໍາພັນ
- ຜັນຂະຫຍາຍມະຕິ, ຄຳສັ່ງ, ກົດໝາຍ, ແຜນຍຸດທະສາດກ່ຽວກັບວຽກງານໃຫ້ຄຳປຶກສາ ແລະ ກວດເລືອດ, ວຽກງານການປິ່ນປົວດູແລເບິ່ງແຍງ ແລະ ວຽກງານຕິດຕາມການນຳໃຊ້ຢາ, ນ້ຳຢາກວດ, ອຸປະກອນ ກ່ຽວກັບຄຸ້ມຄອງພະຍາດເອດ ແລະ ພະຍາດຕິດຕໍ່ທາງເພດສໍາພັນ ມາເປັນແຜນການ, ໂຄງການລະອຽດ ພ້ອມທັງຈັດຕັ້ງປະຕິບັດໃຫ້ມີປະສິດທິຜົນ
ເປັນເສນາທິການໃຫ້ສູນໃນການຄົ້ນຄວ້າຮ່າງແຜນຍຸດທະສາດ, ນະໂຍບາຍ, ຂໍ້ແນະນໍາ, ຫຼັກການ, ມາດຕະ ຖານຕ່າງໆ ກ່ຽວກັບວຽກງານໃຫ້ຄຳປຶກສາ ແລະ ກວດເລືອດ, ວຽກງານການປິ່ນປົວດູແລເບິ່ງແຍງ ແລະ ວຽກງານຕິດຕາມການນຳໃຊ້ຢາ, ນ້ຳຢາກວດ, ອຸປະກອນ ກ່ຽວກັບຄຸ້ມຄອງພະຍາດເອດ ແລະ ພະຍາດຕິດຕໍ່ທາງເພດສໍາພັນ;
ຂຶ້ນແຜນກິດຈະກຳ ແລະ ແຜນງົບປະມານ ກ່ຽວກັບວຽກງານຄຸ້ມຄອງພະຍາດເອດ ແລະ ພະຍາດຕິດຕໍ່ທາງເພດສໍາພັນວຽກງານຕ້ານເອດ;
ພັດທະນາຄູ່ມື, ເຄື່ອງມືຕ່າງໆ ດ້ານວິຊາການ ກ່ຽວກັບການຄຸ້ມຄອງເຊື້ອເຮສໄອວີ/ພະຍາດເອດ ແລະ ພະຍາດຕິດຕໍ່ທາງເພດສຳພັນ ໂດຍປະສານສົມທົບກັບພາກສ່ວນທີ່ກ່ຽວຂ້ອງ
ເສີມສ້າງຄວາມເຂັ້ມແຂງທາງດ້ານການໃຫ້ຄຳປຶກສາ ແລະ ກວດເລືອດ, ວຽກງານການປິ່ນປົວດູແລເບິ່ງແຍງ ແລະ ວຽກງານຕິດຕາມການນຳໃຊ້ຢາ, ນ້ຳຢາກວດ, ອຸປະກອນ ກ່ຽວກັບຄຸ້ມຄອງພະຍາດເອດ ແລະ ພະຍາດຕິດຕໍ່ທາງເພດສໍາພັນ ໂດຍປະສານງານກັບບັນດາຄູ່ຮ່ວມງານທີ່ກ່ຽວຂ້ອງ
ເປັນຈຸດປະສານງານທາງດ້ານວິຊາການ ທີ່ພົວພັນກັບວຽກງານຄຸ້ມຄອງເຊື້ອເຮສໄອວີ/ພະຍາດເອດ ແລະ ພະຍາດຕິດຕໍ່ທາງເພດສຳພັນ, ພະຍາດຊືມເຊື້ອຮ່ວມ ທັງພາຍໃນ ແລະ ຕ່າງປະເທດ
ຄຸ້ມຄອງ, ຕິດຕາມ ແລະ ປະເມີນຜົນທຸກວຽກງານທີ່ພົວພັນກັບການປິ່ນປົວພະຍາດເອດ/ພະຍາດຕິດຕໍ່ທາງເພດສຳພັນ ລວມທັງຄູ່ມືການປິ່ນປົວ, ການຕ້ານຕໍ່ຢາ, ການນຳໃຊ້ອຸປະກອນການແພດ, ການກວດວິເຄາະ ແລະ ເຄືອຄ່າຍຜູ້ຕິດເຊື້ອເຮສໄອວີ ແລະ ຜູ້ທີ່ໄດ້ຮັບຜົນກະທົບຈາກເຊື້ອເຮສໄອວີ
ຂື້ນແຜນ ແລະ ສັງລວມຄວາມຕ້ອງການ ແລະ ແຈກຢາຍ ຢາ, ນ້ຳຢາກວດເລືອດ ແລະ ອຸປະກອນການແພດທີ່ກ່ຽວຂ້ອງ;
ປັບປຸງຄຸນນະພາບວຽກງານການບໍລິການປິ່ນປົວ, ດູແລ-ເບີ່ງແຍງ ຜູ້ຕິດເຊື້ອເຮສໄອວີ/ພະຍາດເອດ ແລະ ພະຍາດຕິດຕໍ່ທາງເພດສຳພັນ ຂອງສະຖານທີ່ບໍລິການປິ່ນປົວດ້ວຍຢາຕ້ານຕໍ່ເຊື້ອເຮສໄອວີ ໃຫ້ສອດຄອງກັບນະໂຍບາຍຂອງກະຊວງສາທາລະນະສຸກ;
ສະຫລຸບ, ສັງລວມ ແລະ ລາຍງານສະພາບການເຄື່ອນໄຫວວຽກງານ ປະຈຳອາທິດ ແລະ ເດືອນ ເພື່ອໃຫ້ຂະແໜງບໍລິຫານ ສັງລວມ ແລະ ລາຍງານ ໃຫ້ຄະນະສູນເປັນປົກກະຕິ;
